Shtëpia / Aktualitet / Motra ju masakrua në Francë/ Vëllai tenton të vrasë veten për herë të dytë brenda burgut

Motra ju masakrua në Francë/ Vëllai tenton të vrasë veten për herë të dytë brenda burgut

Shpëtim Kovaçi, vëllai i Brunilda Sadushi (Kovaçit) ka tentuar sërish vetëvrasjen brenda ambienteve të Burgut të Beratit, ku është duke vuajtur dënimin. Shpëtim Kovaçi ka pirë një sasi të konsiderueshme “detergjenti” dhe pasi është pikasur nga rojet e shërbimit në dhomën e tij është transportuar në gjendje të rëndë drejt Repartit të Urgjencës në Spitalin Rajonal të Beratit.

Mjekët e këtij spitali kanë deklaruar se i burgosuri Kovaçi ka mbërritur në kohë dhe pas një “lavazhi” stomaku dhe medikamenteve të marra është jashtë rrezikut për jetën.

Burime të besueshme brenda burgut të Beratit konfirmojnë për Top Channel se Shpëtim Kovaçi ka rënë në një gjendje depresioni të thelle, pasi mësoi për vdekjen e motrës së tij, 37-vjeçares Brunilda Sadushi (Kovaçi), që u gjet e vrarë dhe e djegur në një pyll në Francë ditën e Krishtlindjeve.

Sipas të njëjtave burime, Kovaçi ka deklaruar pas vdekjes së motrës se ajo ishte e vetmja në familje që kujdesej për të gjithë dhe që dërgonte lekë për tu ushqyer. I burgosuri Shpëtim Kovaçi ka tentuar vetëvrasjen brenda ambienteve të Burgut të Beratit edhe disa ditë më parë, duke prerë damarët e qafës me briskun e rrojës në 11 janar, në shenjë revolte se nuk u lejua të merrte pjesë atë ditë në funeralin e së motrës, Brunildës.

Ky nuk është rasti i parë kur të burgosurit në Burgun e Beratit tentojnë vetëvrasjen me mënyra nga më të ndryshmet. 32-vjeçari Shpëtim Kovaçi është dënuar për “vrasje” 8-vite më parë.

Shiko dhe këto

Atentati në Astir/ Krimi për larje hesapesh, viktima i akuzuar për trafik droge

Zbardhen detaje rreth të shkuarës së 28-vjeçarit që u ekzekutua mbrëmjen e sotme në një …