Shtëpia / Sociale / “Top Story” zbulon dramën sociale. Pronari pirat i merr lekët një të varfëri

“Top Story” zbulon dramën sociale. Pronari pirat i merr lekët një të varfëri

“Top Story”, duke biseduar me qytetarët zbulon se kabllor “JUDI” bashkëpunon edhe me disa subjekte të tjera, të cilat e ushtrojnë aktivitetin e tyre në fshatrat e Lushnjes.

Një rast i tillë paraqitej në fshatin Plug. Aty gjendet një platformë kabllore funksionale dhe që piratonte kanale të platformës Digialb. Gjithashtu, “Top Story” evidentoi edhe shtëpinë ku ishte vendosur serveri i këtij kabllori. Shtëpia është në pronësi të Met Salliut.

Por, ngjitur me një vilë të madhe ndodhet edhe një shtëpi e rrënuar totalisht. Ajo i përket shtetasit Halim Hoxha. Ky i varfër është abonent në kabllorin e fqinjit të tij të pasur, e çdo muaj i paguan atij 6.000 lekë të vjetra për kabllorin.

Libreza është e plotësuar dhe e firmosur në emrin Met Salliu. Një dramë e vërtetë sociale. Një pirat televiziv, që pasurohet me paratë e fqinjëve të tij të varfër.

“Ne kemi kabllor. Paguajmë 6.000 lekë në muaj. Kemi 5-6 vite që marrim me kabllor. Emri i firmës është Met Salliu. Nuk i kemi thënë fare ne atij. Ato që i zë, i zë; ato që nuk i zë, nuk i zë. Edhe po të fusë më pak kanale, ne po njësoj paguajmë lekët. Jemi pa kontratë”, thotë banori Halim Hoxha në fshatin Plug.

Në këtë fshat, lista e kanaleve është identike me listën e kabllor “JUDI”-t në qytetin e Lushnjes. Kjo do të thotë se këtu vjen i njëjti sinjal dhe kemi të bëjmë me të njëjtën kompani. Pra, kabllor “JUDI” ka bërë të vetët edhe subjekte të tjera, duke e shtrirë piraterinë e tij televizive jashtë qytetit të Lushnjes.

Shiko dhe këto

Debati për fidanishten e UBT, Rama si Veliaj: Shkolla “Nënë Tereza” do bëhet!

Kryeministri Edi Rama i ka shprehur mbështetjen kreut të Bashkisë Erjon Veliaj për ndërtimin e …